కృష్ణానదిలో స్నానానికి దిగిన యువకుడు.. నీటి ఉద్ధృతి కారణంగా మృతి

మిత్రులతో కలిసి స్నానం కోసం కృష్ణానదిలోకి దిగిన ఓ యువకుడు.. నీటి ఉద్ధృతి కారణంగా మృతి చెందారు. మిగిలిన వారు ప్రాణాలతో బయటపడ్డారు. ఈ ఘటన గుంటూరు జిల్లా తాడేపల్లి సీతానగరంలో జరిగింది.

గుంటూరు జిల్లా తాడేపల్లి సీతానగరంలో విషాదం జరిగింది. గుంటూరుకు చెందిన నలుగురు యువకులు సీతానగరం వద్ద పుష్కర ఘాట్​లో స్నానానికి కృష్ణానదిలోకి దిగారు. నది ఉద్ధృతంగా ప్రవహిస్తుండడంతో ఇద్దరు యువకులు వెంటనే బయటకు వచ్చారు. మిగిలిన ఇద్దరు యువకుల్లో ఒకరైన నవీన్​ గల్లంతు కాగా.. మరొకరు క్షేమంగా బయటకు వచ్చారు. సమాచారం అందుకున్న పోలీసులు.. గజ ఈత గాళ్ల సహాయంతో గాలించారు. నవీన్ మృతదేహాన్ని బయటకు తీశారు. ఈ ఘటనపై కేసు నమోదు చేశారు.

ఇదీ చదవండీ...చేపల చెరువులో దేవతామూర్తుల విగ్రహాలు.. రంగంలోకి పురావస్తు అధికారులు