తెలంగాణలో దంపతుల అదృశ్యం.. సంస్థ లావాదేవీల్లో తేడాలే కారణమా..?

తెలంగాణలోని హైదరాబాద్​ గచ్చిబౌలిలో ఓ ప్రైవేటు సంస్థలో పనిచేస్తున్న అవినాష్​-ప్రణతి దంపతులు అదృశ్యమయ్యారు. పేట్​ బషీరాబాద్​ పీఎస్​లో ఈమేరకు కేసు నమోదైంది.

ఏపీలోని గుంటూరు జిల్లా నిడబ్రోలుకు చెందిన అవినాష్​కు వరంగల్​ రూరల్​ జిల్లాకు చెందిన ప్రణతితో ఐదేళ్ల క్రితం ప్రేమ వివాహం జరిగింది. వారిద్దరూ రంగారెడ్డి జిల్లా పేట్​ బషీరాబాద్​ పరిధిలోని పద్మానగర్​లో నివాసముంటూ గచ్చిబౌలిలోని స్మాక్​ ఎంటర్​ప్రైజెస్​లో అకౌంట్స్​ విభాగంలో పనిచేస్తున్నారు.

లావాదేవీల్లో తేడాలే కారణమా?

ఇటీవల ఈ సంస్థ లావాదేవీల్లో తేడాలు రావడం వల్ల అవినాష్​ దంపతులను యాజమాన్యం నిలదీసింది. ఈ నెల 9న లెక్కలన్నీ అప్పగిస్తామని యాజమాన్యంతో ఒప్పందం కుదుర్చుకున్నట్లు పేట్​ బషీరాబాద్​ సీఐ మహేశ్​ తెలిపారు.

దంపతుల అదృశ్యం

ఈ క్రమంలో సంస్థ యాజమాన్యం ఈనెల 9న అవినాష్​ దంపతులకు ఫోన్​ చేయగా ఎవరూ స్పందించకపోవడం వల్ల వారి కుటుంబ సభ్యులకు సమాచారం అందించారు. అవినాష్​ తల్లి... తమ కుమారుడు, కోడలు అదృశ్యమైనట్లు ఫిర్యాదు చేయగా... కేసు నమోదు చేసుకుని దర్యాప్తు చేస్తున్నట్లు సీఐ మహేశ్​ పేర్కొన్నారు. దంపతుల కాల్​ డేటాను పరిశీలిస్తున్నట్లు వెల్లడించారు.

ఇదీ చూడండి: