గుంటూరులో రేషన్ డీలర్​పై వార్డు వాలంటీర్ దాడి

రేషన్​ డీలర్​పై వార్డు వాలంటీర్ దాడి చేసి గాయపరచిన ఘటన గుంటూరు నగరం బ్రాడీపేటలో జరిగింది. బాధితుడిని ప్రాథమిక చికిత్స నిమిత్తం గుంటూరు ప్రభుత్వ ఆసుపత్రికి తరలించారు.

రేషన్ డీలర్​పై వార్డు వాలంటీర్ దాడి చేసిన ఘటన గుంటూరులో జరిగింది. నగరంలోని బ్రాడిపేట 2/19 లో ఉన్న 33వ నంబరు రేషన్ దుకాణాన్ని కృష్ణంరాజు అనే వ్యక్తి నిర్వహిస్తున్నాడు. అదే ప్రాంతంలో ఉంటున్న వార్డు వాలంటీర్ అజయ్ రేషన్ సరకులు కోసం చౌకధరల దుకాణం వద్దకు వెళ్లాడు. లైన్​లో రమ్మని డీలర్ సూచించగా.. ఆగ్రహానికి గురైన అజయ్ రేషన్ డీలర్​పై దాడి చేశాడు. కృష్ణంరాజు తలకు తీవ్ర గాయాలయ్యాయి. చికిత్స నిమిత్తం స్థానికులు బాధితుడిని గుంటూరు ప్రభుత్వ ఆసుపత్రికి తరలించారు. బాధితుని కుటుంబసభ్యులు స్థానిక పోలీస్ స్టేషన్​లో ఫిర్యాదు చేశారు. వార్డు వాలంటీర్​పై చర్యలు తీసుకోవాలని డిమాండ్ చేశారు.

ఇదీ చదవండి.