వీఆర్‌వోల సంఘం రాష్ట్ర వ్యాప్త పిలుపులో భాగంగా గుంటూరు కలెక్టరేట్‌ వద్ద వీఆర్వోలు ధర్నా చేపట్టారు. పదోన్నతుల కోసం ఎంతో కాలంగా ఎదురుచూస్తున్న తమ సమస్యలపై.. ఉన్నతాధికారులు స్పందించాలని ఆ సంఘం జిల్లా అధ్యక్షుడు సూరేపల్లి రాజశేఖర్‌ కోరారు.
తహసీల్దార్‌ కార్యాలయం ఆధ్వర్యంలో సచివాలయంలో పనిచేస్తున్న తమకు వేతనాలను కూడా సచివాలయాలకు అనుబంధం చేయటం సరికాదని, తహశీల్దార్‌ కార్యాలయం నుంచే వేతనాలను అందించాలన్నారు. ప్రభుత్వం తమ న్యాయమైన కోర్కెలను తీర్చాలని కోరారు.