పొట్టకూటి కోసం పెంచుకుంటే... ప్రాణాలు మీదికి తెచ్చింది

పొట్టకూటి కోసం పెంచుకుంటున్న కొండముచ్చు ప్రాణం పోయేంత పని చేసింది. అప్పటిదాకా ఆడుతూ సరదాగా ఉండి ఒక్కసారిగా యజమానిపై దాడి చేసింది. ఈ దాడిలో అతను తీవ్రంగా గాయపడ్డాడు. ఈ ఘటన గుంటూరు జిల్లాలో జరిగింది.

గుంటూరు జిల్లా పిడుగురాళ్ల మండలం జూలకల్లు గ్రామంలో ఓ వ్యక్తిపై తాను పెంచుకుంటున్న కొండముచ్చు దాడి చేసింది. ఈ ఘటనలో అతని తలకి తీవ్ర గాయాలయ్యాయి. అప్పటివరకు సరదాగా ఉన్న పెంపుడు జంతువు ఒక్కసారిగా వ్యక్తిపై దాడి చేయడంతో అక్కడ ఉన్న ప్రజలు పరుగులు తీశారు. గాయాలపాలైన వ్యక్తిని పిడుగురాళ్ల ప్రభుత్వ ఆస్పత్రికి తరలించారు. ప్రాణపాయమేమి లేదని వైద్యులు తెలిపారు.

ఇదీ చదవండి:గుంటూరు జీజీహెచ్​కు బర్నింగ్ వార్డు మంజూరు