గుంటూరు జిల్లా గురజాలలోని శ్రీ ఛారిటబుల్ ట్రస్టుకు వేద సీడ్స్ యాజమాన్యం అంబులెన్సును విరాళంగా అందజేసింది. వేద సీడ్స్ ఎగ్జిక్యూటివ్ డైరెక్టర్ తులసి ధర్మచరణ్, ట్రస్టు ప్రతినిధులు కలిసి ఈ రోజు అంబులెన్స్ను ప్రారంభించారు. వైద్య అవసరాల కోసం గురజాల నుంచి గుంటూరు రావటానికి ప్రజలు ఇబ్బందులు పడుతున్నారు. ప్రైవేటు అంబులెన్స్లకు ఎక్కువ మొత్తంలో చెల్లించాల్సి వస్తోంది.
ఈ సమస్యకు పరిష్కారంగా శ్రీ ఛారిటబుల్ ట్రస్టు అంబులెన్స్ సేవలను ప్రారంభించింది. కేవలం నిర్వహణ ఖర్చులతో రోగులను తరలించేందుకు సంస్థ ముందుకొచ్చింది. ట్రస్టు తరపున కొన్నేళ్లుగా పేదలకు మెడికల్ క్యాంపులు కూడా నిర్వహిస్తున్నారు. వారి సేవా కార్యక్రమాలకు చేయూతనిచ్చేందుకు తమవంతు సహకరం అందిస్తున్నామని వేద సీడ్స్ ఎగ్జిక్యూటివ్ డైరెక్టర్ ధర్మచరణ్ తెలిపారు.