ఆ గొడవకు... చంద్రబాబుకు ఏంటి సంబంధం..?

తాడికొండలో తండ్రి కొడుకుల మధ్య జరిగిన సంభాషణను గొడవ కింద చిత్రీకరించారని తెదేపా సీనియర్ నేత వర్ల రామయ్య ఆరోపించారు. ఈ సంఘటనలోకి చంద్రబాబును ఎందుకు లాగారని నిలదీశారు.

తాడికొండ ఎమ్మెల్యే శ్రీదేవి... తనను తెలుగుదేశం పార్టీ నేతలు కులం పేరుతో దూషించారని హంగామా చేశారని తెదేపా నేత వర్ల రామయ్య విమర్శించారు. తాడికొండలో తండ్రి కొడుకుల మధ్య జరిగిన సంభాషణను గొడవ కింద చిత్రీకరించారని ఆరోపించారు. ఎమ్మెల్యే పక్కన ఉన్న సందీప్ అనే వ్యక్తి గొడవకు దిగి చొక్కా పట్టుకున్నారని... ఈ గొడవకు చంద్రబాబుకు సంబంధం ఏంటని ప్రశ్నించారు. ఈ సంఘటనలోకి చంద్రబాబును ఎందుకు లాగారని నిలదీశారు. సీఎం ఇంటి నుంచి డైరెక్షన్ ఇవ్వడం వల్లే ఎమ్మెల్యే శ్రీదేవి నానా యాగీ చేశారని మండిపడ్డారు. అన్ని పార్టీల వాళ్లు వినాయక విగ్రహానికి చందాలు ఇచ్చినప్పుడు... వైకాపా ఎమ్మెల్యేనే ఎందుకు పిలిచారంటూ అక్కడున్న స్థానికులు అడిగారని వర్ల చెప్పారు.

ఇదీ చదవండీ...ఈనెల 6న శ్రీకాకుళం జిల్లాలో జగన్ పర్యటన