FIRE ACCIDENT: షార్ట్ సర్క్యూట్​తో మంటలు.. రెండు పూరిళ్లు దగ్ధం

FIRE ACCIDENT: పండుగ పూట ఓ కుటుంబం రోడ్డున పడింది. ప్రార్థనల కోసం చర్చికి వెళ్లిన సమయంలో ఇంట్లో అగ్ని ప్రమాదం జరిగి సర్వం కోల్పోయారు. గుంటూరు జిల్లా ఉప్పరపాలెంలో జరిగిన ఈ ఘటనలో రెండు పూరిళ్లు దగ్ధమయ్యాయి.

FIRE ACCIDENT: గుంటూరు జిల్లా వినుకొండ మండలంలోని ఉప్పరపాలెం గ్రామంలో శనివారం తెల్లవారుజామున షార్ట్ సర్క్యూట్ కారణంగా రెండు పూరిళ్లు దగ్ధమయ్యాయి. క్రిస్మస్ పండుగ రోజు ప్రార్థనా మందిరానికి వెళ్లిన సమయంలో ఈ ప్రమాదం జరిగినట్లు బాధితులు తెలిపారు. ఇంట్లోని సామగ్రి, గృహోపకరణాలు, నగదు అగ్నికి ఆహుతయ్యాయని కన్నీటి పర్యంతమయ్యారు.

సర్వం కోల్పోయి కట్టుబట్టలతో మిగిలిపోయామని, పండగ పూట రోడ్డు మీద నిలబడాల్సిన పరిస్థితి తలెత్తిందని ఆవేదన వ్యక్తం చేశారు. ప్రభుత్వం స్పందించి, ఆదుకోవాలని కోరుతున్నారు.

ఇదీచదవండి.