గుంటూరు జిల్లా తెనాలి - మంగళగిరి ప్రధాన మార్గం తుమ్మపూడి వద్ద.. కారును ఆర్టీసీ బస్సు ఢీకొట్టింది. ఈ ప్రమాదంలో కారులో ప్రయాణిస్తున్న ఇద్దరు అక్కడికక్కడే మృతి చెందారు.
దుగ్గిరాల మండలానికి చెందిన వీరమాచినేని సునీల్ రాయ్, అతడి స్నేహితుడు రవి తెనాలిలో వ్యాపారం చేస్తున్నారు. వీరు కారులో విజయవాడకు వెళ్తుండగా.. అదే మార్గంలో వస్తున్న ఆర్టీసీ బస్సును అధిగమించటానికి ప్రయత్నించారు. ఈ క్రమంలో ఎదురుగా వస్తున్న ఆటోను తప్పించేందుకు.. ఆర్టీసీ బస్సు పక్కగా రావటంతో.. బస్సు కారును ఢీకొట్టింది. ఈ ప్రమాదంలో కారు నుజ్జునుజ్జవటంతో.. స్నేహితులిద్దరూ ఇరుక్కుపోయారు.