'ఓటర్ల జాబితాను సిద్ధం చేయండి'

రాష్ట్రంలో కొత్తగా ఏర్పాటైన గ్రామ పంచాయతీలు, మండల ప్రజాపరిషత్​లకు సంబంధించి ఓటర్ల జాబితాను సిద్ధం చేయాలని అధికారులను రాష్ట్ర ఎన్నికల సంఘం ఆదేశించింది. ఈ మేరకు రాష్ట్ర ఎన్నికల కమిషనర్​ డాక్టర్ ఎన్.రమేశ్​కుమార్ ఆదివారం రాత్రి నోటిఫికేషన్ జారీ చేశారు.

ఆంధ్రప్రదేశ్​లో కొత్తగా ఏర్పాటైన 777 గ్రామ పంచాయతీలు, 189 మండల ప్రజాపరిషత్​లకు సంబంధించి ఫొటోలతో కూడిన ఓటర్ల జాబితాను సిద్ధం చేసి ప్రచురించాలని రాష్ట్ర ఎన్నికల సంఘం ఆదేశించింది. కొత్తగా ఏర్పాటైన గ్రామ పంచాయతీలకు సంబంధించి ఈ నెల 3వ తేదీలోగా, మండల ప్రజాపరిషత్​లకు సంబంధించి(ప్రాదేశిక నియోజకవర్గాల వారీగా) ఈ నెల 4లోగా ఈ జాబితాలను ప్రచురించాలని సంబంధిత జిల్లా పంచాయతీ అధికారులు, ఎంపీడీవోలకు సూచించింది. ఈ మేరకు రాష్ట్ర ఎన్నికల కమిషనర్​ డాక్టర్ ఎన్​.రమేశ్​కుమార్ ఆదివారం రాత్రి నోటిఫికేషన్ జారీ చేశారు.

ఇదీ చదవండి