కొవిడ్ సెంటర్ నుంచి ఇద్దరు ఖైదీల పరార్

కొవిడ్ కేంద్రం నుంచి ఇద్దరు ఖైదీలు తప్పించుకున్న సంఘటన గుంటూరు జిల్లా నరసరావుపేటలో చోటుచేసుకుంది. నిందితుల కోసం పోలీసులు గాలింపు చర్యలు చేపట్టారు.

గుంటూరు జిల్లా నరసరావుపేటలోని డిట్కో హౌస్​ల వద్ద అధికారులు ఏర్పాటు చేసిన కొవిడ్ సెంటర్ నుంచి ఇద్దరు ఖైదీలు పరారైన సంఘటన మంగళవారం చోటుచేసుకుంది. దొంగతనం కేసులో పట్టణంలోని సబ్ జైల్లో శిక్ష అనుభవిస్తున్న నరసరావుపేటలోని పనసతోటకు చెందిన కొటారి సాయి కిరణ్, గుంటూరు పట్టాభిపురానికి చెందిన పులి రమేష్ అనే ఇద్దరు ఖైదీలు గత కొన్ని రోజుల కిందట కరోనా సోకి ప్రభుత్వ కోవిడ్ సెంటర్​లో చికిత్స పొందుతున్నారు. అయితే మంగళవారం తెల్లవారుజామున సెక్యూరిటీ కళ్ళు గప్పి ఇద్దరు ఖైదీలు పరారయ్యారు. వారి కోసం గాలింపు చర్యలు చేపట్టినట్లు నరసరావుపేట గ్రామీణ సీఐ వై. అచ్చయ్య తెలిపారు.

ఇదీ చదవండి:ప్రభుత్వమే చెల్లిస్తే మీటర్, రీడింగ్ ఎందుకు?: దేవినేని ఉమా