అయ్యన్న పిటిషన్‌పై హైకోర్టులో విచారణ.. తీర్పును రిజర్వ్‌ చేసిన ధర్మాసనం

సీఐడీ కేసును కొట్టివేయాలన్న చింతకాయల అయ్యన్నపాత్రుడి పిటిషన్ పై హైకోర్టులో విచారణ ముగిసింది. ఇరువైపులా వాదనలు విన్న ధర్మాసనం తీర్పును రిజర్వ్ చేసింది. ఇంటి స్థలం ఆక్రమణకు సంబంధించి ఫోర్జరీ ఎన్​వోసీ ఇచ్చారని అయ్యన్న, ఇద్దరు కుమారులపై సీఐడీ కేసు నమోదు చేసింది. గురువారం అయ్యన్న, కుమారుడు రాజేష్​ను అరెస్ట్ చేసిన సీఐడీ అధికారులు.. విశాఖ మేజిస్ట్రేట్ కోర్టులో హాజరుపరిచారు. అయ్యన్న, రాజేష్​కు రిమాండ్ విధించాలని కోరగా.. న్యాయస్థానం వారి రిమాండ్​ను తిరస్కరించింది.

సీఐడి అధికారులు తమపై నమోదు చేసిన కేసులు కొట్టివేయాలని కోరుతూ మాజీమంత్రి అయ్యన్న పాత్రుడు, అతని కుమారులు దాఖలు చేసిన పిటీషన్​పై హైకోర్టులో విచారణ ముగిసింది. ఇరువైపులా వాదనలు ముగిసాయి. తీర్పును రిజర్వ్ చేేసింది. 0.26 సెంట్ల స్థలాన్ని కబ్జా చేశారని.. దానికి సంబంధించిన ఎన్​వోసీ పత్రాలు ఫోర్జరీ చేశారని, అయ్యన్న పాత్రుడుతో పాటు ఆయన కుమారులు విజయ్రా, రాజేష్ లపై కేసు నమోదు చేశారు. సీఐడి నమోదు చేసిన ఓ సెక్షన్ చెల్లుబాటు కాదని అయ్యన్న పాత్రుడు అరెస్ట్​ను దిగువ కోర్టు తిరస్కరించిందని, హైకోర్టు దృష్టికి తీసుకొచ్చారు.

రాజకీయ దురుద్దేశంతోనే కేసులు నమోదు చేస్తున్నారని తెలిపారు. అయ్యన్న, ఆయన కుమారులపై జలవనరుల శాఖ ఏఈ తమకు ఫిర్యాదు చేశారని, దాని దర్యాప్తు అనంతరం కేసు నమోదు చేశామని సీఐడీ న్యాయవాది వాదించారు. స్థలం ఆక్రమించారనేందుకు ఆధారాలున్నాయన్నారు. నిబంధనల మేరకే అరెస్ట్ చేశామని తెలిపారు. ఇరువురి వాదనలు విన్న న్యాయస్థానం తీర్పు రిజర్వ్​లో ఉంచింది. మరోవైపు అయ్యన్న పాత్రుడు అరెస్ట్ దిగువ కోర్టు తిరస్కరించటంపై సీఐడీ అధికారులు హైకోర్టును ఆశ్రయించారు. ఆ వ్యాజ్యాన్ని విచారించిన న్యాయస్థానం వచ్చే గురువారానికి తీర్పును వాయిదా వేసింది.

ఇవీ చదవండి: