జాతీయస్థాయి హ్యాండ్​బాల్ పోటీలకు తెనాలి విద్యార్థిని ఎంపిక

గుంటూరు జిల్లా తెనాలికి చెందిన శివనాగజ్యోతి రాష్ట్రస్థాయి హ్యాండ్​ బాల్ పోటీల్లో ఉత్తమ ప్రతిభ కనబరిచింది. లఖ్​నవూలో జరగనున్న జాతీయస్థాయి పోటీలకు ఎంపికైంది.

జాతీయస్థాయి హ్యాండ్​బాల్ జూనియర్ మహిళల విభాగం పోటీలకు గుంటూరు జిల్లా తెనాలికి చెందిన విద్యార్థిని ఎమ్.శివనాగజ్యోతి ఎంపికైంది. ఏప్రిల్ 2 నుంచి లఖ్​నవూలో జరగనున్న జాతీయ స్థాయి హ్యాండ్ బాల్ పోటీల్లో పాల్గొననుంది. శని, ఆదివారాల్లో ప్రకాశం జిల్లా కందుకూరు టీఆర్ఆర్ ప్రభుత్వ కళాశాలలో జరిగిన జూనియర్ హ్యాండ్​బాల్ మహిళా విభాగంలో రాష్ట్రస్థాయిలో గెలుపొందడంతో ఆమె జాతీయస్థాయికి ఎంపికైంది.

తమ కళాశాల తరఫున ఉత్తమ ప్రతిభ కనబరిచిన శివనాగజ్యోతిని కళాశాల ప్రిన్సిపల్ పాటిబండ్ల శ్రీనివాసరావు అభినందించారు. జాతీయ స్థాయిలో కూడా రాణించాలని ఆశాభావం వ్యక్తం చేశారు.

ఇదీచదవండి.