కరోనా మహమ్మారి విజృంభణ సమయంలో విశేష సేవలందించిన వైద్య ఆరోగ్య సిబ్బందిని విధుల నుంచి తొలగించడం సరికాదని తెదేపా నేతలు అన్నారు. ఈ మేరకు తమకు ఉద్యోగ భద్రత కల్పించాలని కోరుతూ.. గుంటూరు జిల్లా జీజీహెచ్ ఎదుట చేపడుతోన్న ఆందోళన కార్యక్రమంలో తాత్కాలిక వైద్య సిబ్బందితో కలిసి పాల్గొన్నారు.
తాత్కాలిక వైద్య ఆరోగ్య సిబ్బంది సమస్యలను తక్షణమే పరిష్కరించాలని ప్రభుత్వాన్ని తెదేపా నేతలు డిమాండ్ చేశారు. వారికి న్యాయం జరిగే వరకు పోరాడతామని తెలిపారు.