మంగళగిరిలో తెదేపా నాయకుల ధర్నా

గుంటూరు జిల్లా మంగళగిరిలో గత ప్రభుత్వ హయాంలో నిర్మించిన పీఎమ్​ఏవై గృహాలను వెంటనే లబ్ది దారులకు అందించాలని తెదేపా నేతలు డిమాండ్ చేశారు. గృహాలను లబ్దిదారులకు పంపిణీ చేయడంలో వైకాపా ప్రభుత్వం విఫలమైందని నేతలు విమర్శించారు.

గుంటూరు జిల్లా మంగళగిరిలో గత ప్రభుత్వహయాంలో నిర్మించిన పీఎమ్​ఏవై గృహాలను వెంటనే లబ్ది దారులకు అందించాలని తెదేపా నేతలు డిమాండ్ చేశారు. ఆర్టీసీ డిపో రోడ్డులో నిర్మించిన గృహా సముదాయం వద్ద తెదేపా నాయకులు ధర్నా నిర్వహించారు. 1,728 గృహాలు నిర్మించిన అనంతరం అధికారంలోకి వచ్చిన వైకాపా... సంవత్సరం దాటిపోయినా ఇంతవరకు లబ్దిదారులకు పంపిణీ చేయలేదని అన్నారు. గృహాలను లబ్దిదారులకు పంపిణీ చేయడంలో వైకాపా ప్రభుత్వం విఫలమైందని నేతలు విమర్శించారు. రాజకీయ కక్షతో నిరుపేదలను ఇబ్బందులకు గురిచేయడం తగదన్నారు.

ఇదీ చూడండి.వాగులో కొట్టుకుపోయిన లారీ... డ్రైవర్ కోసం గాలింపు