వైకాపా అధికారంలోకి వచ్చినప్పటి నుంచి నరసరావుపేటలో కోడెల అభివృద్ధి చేసిన నిర్మాణాలను ధ్వంసం చేశారని... తెదేపా నేత చదలవాడ అరవింద బాబు ఆరోపించారు. నరసరావుపేట నియోజకవర్గంలో ఎక్కడికి వెళ్లినా గత ప్రభుత్వం చేసిన అభివృద్ధే కనిపిస్తోందన్నారు. వైకాపా అధికారంలోకి వచ్చి రెండేళ్లు గడుస్తున్నా ఎక్కడా అభివృద్ధి చేసిన దాఖలాలు లేవన్నారు.
వైకాపా అధికారంలోకి వచ్చిన తరువాత ఇసుక, మద్యం, రేషన్ బియ్యం, అక్రమ మైనింగ్ మాఫియాను మాత్రమే అభివృద్ధి చేశారని ఎద్దేవా చేశారు. 40 ఏళ్ల రాజకీయ అనుభవం ఉన్న చంద్రబాబును విమర్శించే నైతిక హక్కు వైకాపా నాయకులకు లేదని అరవింద బాబు స్పష్టం చేశారు.