'పల్నాడులో శాంతిభద్రతలు రక్షించలేకపోవడం ప్రభుత్వ వైఫల్యం'

పల్నాడులో శాంతిభద్రతలు పరిరక్షించడంలో ప్రభుత్వం విఫలమైందని మాజీ మంత్రి నక్కా ఆనందబాబు ఆగ్రహించారు. వైకాపా దాడుల్లో గాయపడ్డవారికి తెదేపా అండగా ఉంటుందని భరోసా నిచ్చారు.

వైకాపా దాడుల బాధిత కుటుంబాలకు తెదేపా అండగా ఉందని ఆ పార్టీ నేతలు భరోసానిచ్చారు. గుంటూరు పార్టీ కార్యాలయంలో జరిగిన సమన్వయ కమిటీ సమావేశంలో.. పల్నాడు శాంతిభద్రతల విషయమై ఆందోళన వెలిబుచ్చారు. దాడుల నియంత్రణకు భవిష్య కార్యాచరణ రూపొందించాలని నిర్ణయం తీసుకున్నారు. ప్రశాంత వాతవరణం సృష్టించడంలో ప్రభుత్వం విఫలమైందని మాజీ మంత్రి నక్కా ఆనందబాబు మండిపడ్డారు. బాధితుల్లో మనోధైర్యం నింపేందుకు..తెదేపా అధినేత చంద్రబాబు స్వయంగా పరామర్శించే అవకాశముందని..పార్టీ జిల్లా అధ్యక్షుడు జీవీ ఆంజనేయులు. ఈ కార్యక్రమంలో ఎమ్మెల్యే అనగాని సత్యప్రసాద్, ఎమ్మెల్సీ డొక్కా మాణిక్యవరప్రసాద్, రామకృష్ణ, మాజీ ఎమ్మెల్యే లు కొమ్మాలపాటి శ్రీధర్, శ్రావణ్ కుమార్ పాల్గొన్నారు.

ఇవీ చదవండి....'ఛలో పల్నాడు-సేవ్ డెమోక్రసీ' ఎందుకు..!