అమరులైన పోలీసులకు ఘన నివాళులు

పోలీస్ అమరవీరుల వారోత్సవాల్లో భాగంగా గుంటూరు పోలీస్ శాఖ ఆధ్వర్యంలో దీపాలను ఎగురవేశారు. పోలీసుల పనితీరు, శ్రమను వివరిస్తూ వారిలో నూతన ఉత్సాహాన్ని నింపడానికి సాంస్కృతిక కార్యక్రమాలు నిర్వహించినట్లు ఎస్పీ అమ్మిరెడ్డి తెలిపారు.

గుంటూరులో పోలీస్ అమరవీరుల వారోత్సవాల భాగంగా పోలీస్ శాఖ ఆధ్వర్యంలో పలు సాంస్కృతిక కార్యక్రమాలు నిర్వహించారు. పోలీసుల పనితీరు, శ్రమను వివరిస్తూ వారిలో నూతన ఉత్సాహాన్ని నింపడానికి అర్బన్ ఎస్పీ కార్యాలయంలో పలు సాంస్కృతిక కార్యక్రమాలు నిర్వహించినట్లు ఎస్పీ అమ్మిరెడ్డి తెలిపారు. పోలీస్ అమరవీరుల వారోత్సవాల భాగంగా అక్టోబర్ 21 నుంచి 31 వరకు ప్రతి రోజు ఓ కార్యక్రమాన్ని జిల్లా వ్యాప్తంగా నిర్వహిస్తామన్నారు.

ఘన నివాళులు..

విధి నిర్వహణలో అసువులు బాసిన అమరవీరులకు, వారి సేవలకు, వీరోచిత పోరాటల నేపథ్యంలో కొవ్వుత్తులు వెలిగించి పోలీసులు ఘన నివాళులు అర్పించారు. అనంతరం ఎస్పీ కార్యాలయంలో ఏర్పాటు చేసిన సాంస్కృతిక కార్యక్రమాల్లో పాల్గొన్నారు. ఈ సందర్భంగా ఏర్పాటు చేసిన మ్యాజిక్ షో, సాంస్కృతిక కార్యక్రమాలు ప్రత్యక ఆకర్షణగా నిలిచాయి.

ఇవీ చూడండి : పెరుగుతున్న కడుపుకోతలు.. విశ్వాసాలే కారణమా?