గుంటూరు జిల్లా యడ్లపాడు మండల పరిధిలో అక్రమ రేషన్ బియ్యం వ్యాపారం యథేచ్ఛగా సాగుతోంది. మండల పరిధిలోని బోయపాలెం వద్ద గుంటూరుకు చెందిన పోలీసులు అక్రమంగా నిల్వఉంచిన రేషన్ బియ్యాన్ని పట్టుకున్నారు. అదే ఇంటిలో గతంలోనూ రేషన్ బియ్యం పట్టుబడటం చర్చనీయాంశమైంది.
పౌరసరఫరాల శాఖకు అప్పగింత..
చిలకలూరిపేట గ్రామీణ సీఐ సుబ్బారావు ఆధ్వర్యంలో యడ్లపాడు పోలీసులు బస్తాల్ని స్వాధీనం చేసుకుని పౌరసరఫరాల శాఖ అధికారులకు అందజేశారు. యడ్లపాడు మండలం సొలస గ్రామానికి చెందిన రేషన్ బియ్యాన్ని అక్రమ వ్యాపారం చేస్తున్న సుబ్బారావును పోలీసులు అదుపులోకి తీసుకున్నారు. గతంలోనూ రేషన్ బియ్యం కాకినాడ తరలిస్తుండగా తణుకు వద్ద, గుంటూరు సమీపంలోని ఏటుకూరి వద్ద సుమారు వెయ్యి బస్తాలను పోలీసులు పట్టుకున్నారు.