బస్సు నడుపుతుండగా డ్రైవర్​కు గుండెపోటు.. తప్పిన ప్రమాదం

విధుల్లో ఉండగా ఆర్టీసీ బస్సు చోదకుడు గుండెపోటుకు గురయ్యాడు. బస్సు పొలాల్లోకి దూసుకెళ్లడంతో ఐదుగురు ప్రయాణికులకు స్వల్ప గాయాలయ్యాయి

గుంటూరు జిల్లా దాచేపల్లి నుండి తంగెడ గ్రామానికి వెళుతుండగా.. బస్సు డ్రైవర్​కు గుండెపోటు వచ్చింది.దీంతో బస్సు అదుపు తప్పి పొలాల్లోకి దూసుకెళ్లడంతో ప్రమాదం తప్పింది. బస్సులోని ఐదుగురు ప్రయాణికులకు స్వల్ప గాయాలయ్యాయి. ప్రయాణికులు, డ్రైవర్​ను స్థానికులు హుటాహుటిన దాచేపల్లి ప్రభుత్వ ఆస్పత్రికి తరలించారు. డ్రైవర్ పరిస్థితి పర్వాలేదని వైద్యులు తెలిపారు.