శివరాత్రి ఉత్సవాల్లో అశ్లీల ప్రదర్శనలు

మహాశివరాత్రి పర్వదినాన వాడవాడలా ఆ పరమేశ్వరున్ని స్మరించుకుంటూ జాగారం చేస్తుంటారు భక్తులు. కానీ ఆ పవిత్రకు కళంకం తెచ్చిపెట్టారు ఓ ఊరి ప్రజలు. శివరాత్రి వేడుకల్లో అమ్మాయిలతో రికార్డింగ్​ డాన్సులు చేయించి..ఇదేమి భక్తి అని అందరూ అనుకునేలా ప్రవర్తించారు.

మహాశివరాత్రి నాడు ఆ త్రినేత్రుడికి వేడుకగా ఉత్సవాలు జరుపుతారు. రాత్రంతా ఆ గరళకంఠుడిని స్మరిస్తూ జాగారం చేస్తారు. కానీ గుంటూరు జిల్లా వేమూరు నియోజకవర్గంలోని కొల్లూరు మండలం అనంతవరం గ్రామంలో శివరాత్రి వేడుకల్లో అమ్మాయిలతో రికార్డింగ్​ డాన్సులు చేయించారు. రాత్రి 10 గంటల నుంచి తెల్లవారుజామున 3 గంటల వరకు ట్రాక్టర్​పై నృత్యాలు చేయిస్తూ.. ఊరూరా తిప్పారు. ఇంత జరుగుతున్నా పోలీసులు మాత్రం ప్రేక్షక పాత్ర పోషించారని పలువురంటున్నారు.

ఇదీ చదవండీ..శ్రీవారిని దర్శించుకున్న పలువురు ప్రముఖులు