ఫైవ్ స్టార్స్​ గ్రామంగా పెరలి.. మెంబర్ అఫ్ పోస్టల్ సర్వీసెస్ బోర్డు గుర్తింపు

తెనాలిలోని కర్లపాలెం మండలం పెరలి గ్రామం ఫైవ్ స్టార్ గ్రామంగా మెంబర్ అఫ్ పోస్టల్ సర్వీసెస్ బోర్డు ద్వారా గుర్తించబడింది. రాష్ట్ర పోస్టల్ సర్వీసుల్లో మొట్టమొదటిసారిగా తెనాలి డివిజన్​కు ఈ ఘనత దక్కటం విశేషం.

గుంటూరు జిల్లా తెనాలి డివిజన్ పరిధిలోని కర్లపాలెం మండలం పెరలి గ్రామం.. ఫైవ్ స్టార్ గ్రామంగా మెంబర్ అఫ్ పోస్టల్ సర్వీసెస్ బోర్డు ద్వారా గుర్తింపు పొందిందని సూపరింటెండెంట్ ఆఫ్ పోస్టల్ సర్వీసెస్ తెనాలి డివిజన్ జె. శ్రీనివాసులు తెలిపారు. పోస్టల్ సర్వీసెస్​లో మొట్టమొదటిసారిగా ఐదు నక్షత్రాలు కలిగిన గ్రామంగా గుర్తింపు పొందటం విశేషం.

ప్రధానంగా 5 పథకాల ద్వారా 500 మంది ఖాతాదారులను భాగస్వామ్యం చెయ్యాలి. సుకన్య సమృద్ధి యోజన, పోస్ట్ ఆఫీస్ సేవింగ్ బ్యాంకింగ్ ఆర్డీ అండ్ ఎస్బీ, ఇండియన్ పేమెంట్ బ్యాంకింగ్, ప్రైమ్ మినిస్టర్ సంరక్షణ బీమా యోజన, రూరల్ పోస్టల్ లైఫ్ ఇన్సూరెన్స్ ఖాతాలు.. ఒక్కొక్కటి వంద మంది చొప్పున పూర్తిగా వినియోగంలో ఉండాలని సూచించారు. ఇలా ఐదు విభాగాలలో 500 మందితో పోస్ట్ ఆఫీస్ సర్వీసులను వినియోగించుకోవటంతో ఆ గ్రామానికి ఫైవ్ స్టార్ గుర్తింపు వచ్చింది.

రాష్ట్రంలోనే మొట్టమొదటిగా తెనాలి డివిజన్ పరిధిలోని పేరలి గ్రామం.. ఆ పేరును దక్కించుకోవడం ఆనందంగా ఉందని సూపరింటెండెంట్ జె. శ్రీనివాసులు ఆనందం వ్యక్తం చేశారు. మరో నాలుగు గ్రామాలు ఫైవ్ స్టార్ గ్రామాలుగా గుర్తింపు పొందడానికి సిద్ధంగా ఉన్నట్లు తెలిపారు. డివిజన్ పరిధిలోని బేతంపూడి, నండూరు, కోడూరు కోమలి, కొమరం వారిపాలెం గ్రామాలు ఫైవ్ స్టార్ గ్రామాలుగా గుర్తింపు పొందడానికి.. అన్ని అర్హతలు కలిగి ఉన్నాయన్నారు.

ఇవీ చూడండి...