'అందరికీ ఆదర్శంగా ఉండాలనే కొవిడ్​ వ్యాక్సిన్​ వేయించుకున్నా'

రాజ్యసభ మాజీ సభ్యుడు, తెదేపా సీనియర్ నేత యడ్లపాటి వెంకట్రావు కొవిడ్​ వ్యాక్సిన్​ వేయించుకున్నట్లు తెలిపారు. 102 ఏళ్ల వయసున్న ఆయన.. అందరికీ ఆదర్శంగా ఉండాలనే ఉద్దేశ్యంతో టీకా తీసుకున్నట్లు చెప్పారు.

గుంటూరు జిల్లా తెనాలిలో రాజ్యసభ మాజీ సభ్యుడు, తెదేపా సీనియర్ నేత యడ్లపాటి వెంకట్రావు కరోనాపై మాట్లాడారు. ఇటీవల డీవీసీ ఆసుపత్రిలో ఆయన వ్యాక్సిన్ తీసుకున్నట్లు తెలిపారు. 102 ఏళ్ల వయసులోనూ తాను పూర్తి ఆరోగ్యంగా ఉన్నానని చెప్పారు. అందరికీ ఆదర్శంగా ఉండాలనే ఆలోచనతోనే వ్యాక్సిన్ వేయించుకున్నట్లు ఆయన పేర్కొన్నారు. కొవిడ్ కేసులు పెరుగుతున్నందున ప్రజలందరూ అప్రమత్తంగా ఉండాలని సూచించారు. ప్రతి ఒక్కరూ మాస్కులు ధరిస్తూ.. భౌతిక దూరాన్ని పాటించాలని చెప్పారు.

ఇదీ చదవండి:రాష్ట్రంలో పెరుగుతున్న కరోనా కేసులు.. 3.99 శాతానికి చేరిన పాజిటివిటీ రేటు