ఉపాధి లేదని.. తనకు తాను గుండు గీసుకున్న ఉపాధ్యాయుడు

ప్రతి వ్యక్తి జీవితంలో గురువు పాత్ర చెప్పలేనిది.. ఇప్పుడు అలాంటి గురువులే రోడ్డుపైకి వచ్చే పరిస్థితి ఏర్పడింది. కరోనాతో సామాన్యుడి నుంచి.. గొప్పవారు సైతం అవస్థలు పడాల్సిన పరిస్థితి. అలా ఓ ఉపాధ్యాయుడు రోడ్డుపైకి వచ్చాడు.

పిల్లలను క్రమశిక్షణలో పెట్టి వారిని ఉన్నత స్థాయికి తీసుకువెళ్లడంలో ఉపాధ్యాయల పాత్ర ఎంతో ఉంటుంది. అటువంటి ఉపాధ్యాయుడు కరోనా మహమ్మారి కారణంగా నేడు రోడ్డున పడ్డాడు. ప్రైవేటు సంస్థలో 1998 నుంచి ఉపాధ్యాయుడిగా పనిచేస్తున్న గుంటూరుకు చెందిన హేమచంద్ర బాబు 5 నెలలుగా ఏ పనిలేక ఇబ్బందులు ఎదుర్కొంటున్నాడు. పాఠశాలలు తెరవకపోవడంతో ఉన్న ఒక్క ఆధారాన్ని కోల్పోయాడు. తనుకు తానూ పశ్చాత్తాపంగా గుండు గీసుకున్నాడు. కనీసం తమ సంస్థ కానీ... ప్రభుత్వం కానీ ఆదుకోలేదని ఆవేదన వ్యక్తం చేస్తున్నాడు.

ఇదీ చదవండి:రాజధానిపై కౌంటర్ దాఖలుకు జనసేన నిర్ణయం