RAMADAN WISHES: రంజాన్ పర్వదినం.. ముస్లిం ప్రజలకు పలువురు ప్రముఖుల శుభాకాంక్షలు

CELEBRITIES RAMADAN WISHES: రంజాన్ పండుగ సందర్భంగా ముస్లిం సోదర, సోదరీమణులకు రాష్ట్రంలోని పలువురు నేతలు సోషల్ మీడియో వేదికగా విషెస్ తెలిపారు.

CELEBRITIES RAMADAN WISHES: శనివారం రంజాన్ పండుగను పురస్కరించుకుని పలువురు నేతలు ముస్లిం సోదర, సోదరీ మణులకు శుభాకాంక్షలు తెలియజేశారు. రాష్ట్ర ప్రజలకు తమ ట్విట్టర్ వేదికగా రంజాన్ పండుగ విశిష్టతలను పంచుకున్నారు.

గవర్నర్ జస్టిస్​ అబ్దుల్ నజీర్:రాష్ట్ర ప్రజలకు గవర్నర్‌ జస్టిస్‌ అబ్దుల్‌ నజీర్‌ రంజాన్‌ శుభాకాంక్షలు తెలిపారు. ప్రతీ ముస్లిం.. దేవుడికి దగ్గరయ్యే మాసమే రంజాన్‌ అని ఆయన పేర్కొంటూ ట్వీట్ చేశారు.

"రాష్ట్ర ప్రజలకు రంజాన్ శుభాకాంక్షలు. ప్రతీ ముస్లిం.. దేవుడికి దగ్గరయ్యే నెలే రంజాన్." - గవర్నర్ అబ్దుల్ నజీర్

ముఖ్యమంత్రి జగన్మోహన్ రెడ్డి: రాష్ట్రంలోని ప్రజలకు సీఎం జగన్మోహన్ రెడ్డి రంజాన్ శుభాకాంక్షలు తెలిపారు. సామరస్యానికి, సుహృద్భావానికి, కరుణకు, దాతృత్వానికి ప్రతీక రంజాన్‌ పండుగ అని ఆయన వ్యాఖ్యానిస్తూ ట్వీట్ చేశారు. మనిషిలోని అధర్మాన్ని, చెడు భావనల్ని, ద్వేషాన్ని రూపుమాపే గొప్ప పండుగ రంజాన్ అని ట్వీట్​లో ఆయన పేర్కొన్నారు. అల్లాహ్‌ దీవెనలతో రాష్ట్ర ప్రజలకు సకల శుభాలు కలగాలని ఆకాంక్షిస్తూ ముస్లిం సోదర, సోదరీమణులందరికీ ఈద్‌ ముబారక్‌ అని ఆయన తన ట్వీట్​లో జోడించారు.

"సామరస్యానికి, సుహృద్భావానికి, కరుణకు, దాతృత్వానికి ప్రతీక రంజాన్‌ పండుగ. మనిషిలోని ద్వేషాన్ని, అధర్మాన్ని, చెడు భావనల్ని రూపుమాపే గొప్ప పండుగ ఇది. అల్లాహ్‌ దీవెనలతో రాష్ట్ర ప్రజలకు సకల శుభాలు కలగాలని ఆకాంక్షిస్తూ ముస్లిం సోదర, సోదరీమణులందరికీ ఈద్‌ ముబారక్‌." - సీఎం జగన్మోహన్ రెడ్డి

చంద్రబాబు: తెలుగుదేశం అధినేత చంద్రబాబు ముస్లింలకు రంజాన్‌ శుభాకాంక్షలు తెలియజేశారు. ఈ రంజాన్‌.. మీ ఇంట సుఖశాంతులు నింపాలని కోరుకుంటున్నా అని చంద్రబాబు ట్వీట్‌ చేశారు.

లోకేశ్:ఈద్ ఉల్ ఫితర్ చేసుకుంటున్న ముస్లింలకు అల్లా చల్లని దీవెనలు ఉండాలని కోరుకుంటున్నా.. అని నారా లోకేశ్ శుభాకాంక్షలు తెలిపారు.

బాలకృష్ణ: ప్రముఖ నటుడు, హిందూపురం ఎమ్మెల్యే నందమూరి బాలకృష్ణ ముస్లిం సోదరులకు సోషల్ మీడియా ద్వారా రంజాన్ శుభాకాంక్షలు తెలిపారు. ప్రేమ, దయ, సహనం, ఆనందం, సంతోషాల కలయిక రంజాన్ అని మానవాళికి హితాన్ని బోధించే పండుగ ఇదే అన్నారు.

పవన్ కల్యాణ్: రంజాన్ మతసామరస్యంతో వెల్లివిరుస్తుందని చెప్పడం అతిశయోక్తి కాదని, ఈద్‌ ఉల్‌ ఫితర్‌ను చేసుకుంటున్న వారికి జనసేన అధినేత పవన్ కల్యాణ్ ట్విటర్ ద్వారా శుభాకాంక్షలు తెలిపారు.

ఇవీ చదవండి: