వరదలో చిక్కుకున్న పోలీసు వాహనం..

గుంటూరు జిల్లా చిగురుపాడు వద్ద వాగులో పోలీసు వాహనం చిక్కుకుంది. ఎస్సై సిబ్బందితో కలిసి వాగుని పరిశీలించేందుకు వెళ్లి మధ్యలో చిక్కుకు పోయారు. ఇంజనులోకి నీరు చేరడంతో వాగు మధ్యలో వాహనం మొరాయించింది. సమయానికి స్థానికులు వారిని సురక్షితంగా ఒడ్డుకు తీసుకొచ్చారు.

వరదను పరిశీలించి.. ప్రజలను అప్రమత్తం చేసేందుకు వెళ్లిన పోలీసు వాహనం వాగులో చిక్కుకుపోయింది. గుంటూరు జిల్లా అచ్చంపేట మండలం చిగురుపాడు వద్ద నీటి ఉద్ధృతి ఎక్కువగా ఉంది. పరిస్థితిని సమీక్షించడానికి వెళ్లిన సిబ్బంది.. ప్రవాహాన్ని సరిగా అంచనా వేయకపోవడంతో జీపు వాగు మధ్య వరకు వెళ్లి ఆగిపోయింది.

జీపులో ఎస్సై ఆనంద్ సహా పలువురు పోలీసు సిబ్బంది ఉన్నారు. ట్రాక్టరు సాయంతో వాహనాన్ని స్థానికులు బయటకు లాగడంతో అంతా ఊపిరి పీల్చుకున్నారు.

ఇదీ చదవండి: