34 మంది పేకాటరాయుళ్లు అరెస్ట్.. రూ. 24.74 లక్షలు స్వాధీనం

సాగరతీరానున్న ఓ రిసార్ట్స్​​లో జరిపిన దాడుల్లో... 34 మంది పేకాటరాయుళ్లను గుంటూరు జిల్లా బాపట్ల పోలీసులు అరెస్ట్ చేశారు. వారి నుంచి సుమారు రూ. 25 లక్షల నగదుతో పాటు 10 కార్లను స్వాధీనం చేసుకున్నారు.

గుంటూరు జిల్లా బాపట్ల మండలం ముత్తాయపాలెం సముద్రతీరానున్న సన్నీ రిసార్ట్స్​పై పోలీసులు దాడులు చేశారు. పేకాట ఆడుతున్న 34 మందిని అరెస్టు చేశారు. నిందితుల నుంచి రూ. 24.74 లక్షల నగదుతో పాటు 10 కార్లను స్వాధీనం చేసుకున్నారు. వీరిపై కేసు నమోదు చేసి దర్యాప్తు చేస్తున్నారు.

ఈ రిసార్ట్స్​లో భారీ స్థాయిలో జూద కార్యకలాపాలు నడుస్తున్నట్లు.. పోలీసుల దాడుల్లో తేలింది. నిందితులను పోలీసులు పట్టుకోగానే పలువురు ప్రజా ప్రతినిధుల నుంచి ఒత్తిళ్లు వచ్చాయి. ఎస్పీ ఆదేశాల మేరకు దాడులు జరిపినట్లు పోలీసు సిబ్బంది వారికి స్పష్టం చేశారు.

ఇవీ చదవండి: