అనుమతి లేకుండా పుస్తకాలు విక్రయిస్తే చర్యలు తప్పవు

ప్రైవేట్ పాఠశాలల్లో పుస్తకాలు, యూనిఫాం విక్రయిస్తే కఠిన చర్యలు తప్పవని గుంటూరు జిల్లా పిడుగురాళ్ల మండల విద్యాశాఖాధికారి మల్లికార్జున శర్మ హెచ్చరించారు.

గుంటూరు జిల్లా పిడుగురాళ్ల పట్టణంలోని ప్రైవేట్ పాఠశాలల్లో అధిక ఫీజులు వసూలు చేస్తూ... పుస్తకాలు, యూనిఫాం విక్రయిస్తున్నారని స్టూడెంట్ ఫెడరేషన్ ఆఫ్ ఇండియా (ఎస్​ఎఫ్​ఐ) సభ్యులు స్థానిక ఎంఈవో మల్లికార్జున శర్మకు ఫిర్యాదు చేశారు. కొన్ని పాఠశాలల్లో ఆకస్మిక తనిఖీ చేసిన ఎంఈవో... పుస్తకాలు, యూనిఫాం నిల్వలు చూసి అవాక్కయ్యారు. యాజమాన్యాన్ని పిలిపించి మాట్లాడారు. పుస్తకాలు, యూనిఫాంకు సంబంధించిన బిల్లులు లేకపోవడంతో... నిల్వ చేసిన గదిని సీజ్​చేశారు. ఓ పాఠశాల యాజమాన్యానికి రూ.లక్ష జరిమానా విధించారు.

ఇదీ చదవండీ...