విద్యుదాఘాతంతో ఓ వ్యక్తి మృతి చెందిన ఘటన.. గుంటూరు జిల్లా మాచర్ల మండలం నాగులవరం శివారు చెంచు కాలనీలో జరిగింది. గన్నెబొయిన పెద రంగయ్య (37) అనే వ్యక్తి.. ఈరోజు తెల్లవారుజామున గుమ్మంపైన పెట్టిన ఇంటి తాళం తీసుకునేందుకు ప్రయత్నించాడు.
ఆ సమయంలో.. ఇంటి రేకుల నుంచి విద్యుత్ ప్రసరిస్తోంది. ఆ విషయం తెలియని రంగయ్య... తాళాలు తీసుకునే యత్నంలో రేకులకు చేతిని తగిలించగానే విద్యుదాఘాతానికి గురై.. అక్కడికక్కడే మరణించాడు. పోస్టుమార్టం నిమిత్తం మృతదేహాన్ని మాచర్ల ప్రభుత్వ ఆసుపత్రికి తరలించారు.