విద్యుదాఘాతంతో తండ్రి మృతి.. అనాథలైన ఇద్దరు చిన్నారులు

తల్లి 3 నెలల క్రితం అనారోగ్యంతో కన్నుమూసింది. తండ్రి ఇప్పుడు విద్యుదాఘాతంతో మృతిచెందాడు. ఇద్దరు చిన్నారులు అనాథలయ్యారు. విగత జీవిగా పడిఉన్న నాన్న ముందు కూర్చుని దీనంగా చూస్తున్న పిల్లలను చూసి అందరూ కన్నీరుమున్నీరయ్యారు. ఈ హృదయవిదారక ఘటన గుంటూరు జిల్లా మంగళగిరిలో జరిగింది.

తల్లిదండ్రులిద్దరూ 3 నెలల వ్యవధిలో చనిపోయి.. వారి పిల్లలు అనాథలైన ఘటన గుంటూరు జిల్లా మంగళగిరిలో జరిగింది. పట్టణంలోని రత్నాల చెరువుకు చెందిన అనిల్​కు భార్య, ఇద్దరు పిల్లలు ఉన్నారు. అతని భార్య అనారోగ్యంతో 3 నెలల క్రితం మృతిచెందింది. అప్పట్నుంచి అనిల్ వారిని చూసుకుంటున్నాడు. అయితే బుధవారం రాత్రి అనిల్ విద్యుదాఘాతంతో ప్రాణాలు కోల్పోయాడు. ఇద్దరు పిల్లలు అనాథలయ్యారు. తండ్రి మృతదేహం వద్ద దీనంగా కూర్చున్న చిన్నారుల్ని చూసి స్థానికులు కంటతడి పెట్టారు.

ఇవీ చదవండి..