బాలికపై అత్యాచారానికి యత్నించిన 53 సంవత్సరాల వ్యక్తిని గుంటూరు దిశ పోలీసులు అరెస్ట్ చేశారు. నిందితుడి పైన పోక్సో చట్టం కింద కేసు నమోదు చేసి దర్యాప్తు చేపట్టినట్లు డీఎస్పీ లక్ష్మీనారాయణ తెలిపారు. గుంటూరు మోతీలాల్ నగర్, నెహ్రూనగర్ ఏరియాలో బాధిత తల్లిదండ్రులు కూలి పనులకు వెళుతూ వారి అబ్బాయి (1), అమ్మాయి (ఒకటిన్నర సంవత్సరం) ని మేనకోడలు వద్ద వదిలి పెట్టి వెళ్లేవారు.
ఈ క్రమంలోనే ఆరోజు వదిలి వెళ్లగా.. మేనకోడలు బయట పని చేసుకుంటుండగా... పక్కింట్లో ఉండే బెరీల రాము.. పసిపాపకు చాక్లెట్స్ ఆశ చూపి తన ఇంట్లోకి తీసుకెళ్లి అత్యాచారంయత్నం చేశాడు. పాప ఏడుపు విని ఆమె బంధువు లోపలికి వెళ్లింది. రాము ఆమెను బెదిరించి పారిపోయాడు.