ఆందోళన వద్దు.. ఆక్సిజన్, రెమ్‌డిసివిర్ నిల్వలున్నాయి: కలెక్టర్ వివేక్

కరోనా వ్యాప్తిని అరికట్టేందుకు జిల్లా యంత్రాంగం తరఫున కృషి చేస్తున్నామని పాలనాధికారి వివేక్ యాదవ్ తెలిపారు. రోజూవారీగా 9 వేల వైరస్ నిర్థారణ పరీక్షలు నిర్వహిస్తున్నామన్నారు. మందుల నిల్వలు సరిపడా ఉన్నాయని స్పష్టం చేశారు.

కొవిడ్ వ్యాప్తి కట్టడికి అన్ని చర్యలూ చేపడుతున్నామని గుంటూరు జిల్లా కలెక్టర్ వివేక్‌ యాదవ్ తెలిపారు. జిల్లాలోని గుంటూరు నగరం, మంగళగిరి, తాడేపల్లి ప్రాంతాల్లో కరోనా కేసులు ఎక్కువగా నమోదు అవుతున్నాయని కలెక్టరేట్‌లో ఆయన వెల్లడించారు.

'ప్రతిరోజు సుమారు 9 వేల పరీక్షలు'

రోజూ సుమారు 9 వేల పరీక్షలు చేస్తున్నామని తెలిపారు. వాటి ఫలితాలు 24 గంటల్లోనే వచ్చేలా చర్యలు తీసుకుంటున్నామన్నారు. ఆక్సిజన్, రెమ్‌డిసివిర్ తగినంతగా అందుబాటులో ఉన్నాయన్న కలెక్టర్.. ప్రజలు, వైద్యులు ఎవరూ నిల్వలపై ఆందోళన చెందనక్కర్లేదని భరోసా ఇచ్చారు.

ఇవీ చూడండి :ఎలక్షన్‌ కమిషన్‌లో పిటిషన్‌ వేసుకోండి: హైకోర్టు