'మూడు రాజధానులు వద్దు... అమరావతే ముద్దు'

మూడు రాజధానుల వల్ల అభివృద్ధి కుంటుపడుతుందని... ఒక రాజధానితోనే రాష్ట్రాభివృద్ధి సాధ్యమని గుంటూరు రాజకీయేతర పరిరక్షణ సమితి అభిప్రాయపడింది. రాజదానిగా అమరావతినే కొనసాగించాలని డిమాండ్ చేస్తూ ర్యాలీ నిర్వహించారు.

రాజధానిగా అమరావతినే కొనసాగించాలని డిమాండ్ చేస్తూ గుంటూరు రాజకీయేతర అమరావతి పరిరక్షణ సమితి ఆధ్వర్యంలో... ప్రజలు భారీ ర్యాలీ నిర్వహించారు. గుంటూరు విద్యానగర్ పార్క్ నుంచి గుజ్జనాగుండ్ల కూడలి వరకు భారీ నిరసన చేపట్టారు. ర్యాలీలో మహిళలు, వృద్ధులు , చిన్నారుల పెద్ద సంఖ్యలో పాల్గొన్నారు. మూడు రాజధానులు వద్ద అమరావతి ముద్దు అంటూ నినాదాలు చేశారు. సేవ్ అమరావతి- సేవ్ ఆంధ్రప్రదేశ్ అంటూ నినదించారు. రాష్ట్రాభివృద్ధి జరగాలంటే 3 రాజధానులు అవసరం లేదని.. ఒక రాజధాని సరిపోతుందని ఉపాధ్యాయులు అభిప్రాయపడ్డారు.

ఇవీ చూడండి-'సీఎం జగన్ నిర్ణయాల వల్లే రైతులు బలైపోతున్నారు'