పెళ్లైన కొన్ని గంటలకే ప్రమాదం...నవ వధూవరులకు స్వల్ప గాయాలు

గుంటూరు జిల్లా మెరికపూడి వద్ద జరిగిన రోడ్డు ప్రమాదంలో నవ దంపతులకు స్వల్ప గాయాలయ్యాయి. ఘటనలో వాహనం నుజ్జనుజ్జయ్యింది. ఈ ఘటనలో ప్రయాణికులంతా సురక్షితంగా బయటపడటం వల్ల అందరూ ఊపిరి పీల్చుకున్నారు.

గుంటూరు జిల్లా మెరికపూడి వద్ద జరిగిన రోడ్డు ప్రమాదంలో నవ దంపతులకు స్వల్ప గాయాలయ్యాయి. నకరికల్లు మండలం చల్లగుళ్ళ గ్రామానికి చెందిన ప్రసన్నకుమార్​కు పూజ అనే యువతితో గుంటూరులో వివాహం జరిగింది. అనంతరం ప్రసన్నకుమార్​ స్వగ్రామానికి బయలుదేరారు. ఫిరంగిపురం మండలం మెరికపూడి వద్దకు వచ్చేసరికి నవ వధూవరులు ప్రయాణిస్తున్న వాహనం అదుపు తప్పి రోడ్డు పక్కన ఉన్న గుంటలోకి దూసుకెళ్లింది. ఈ ప్రమాదంలో నూతన జంట ప్రసన్న కుమార్, పూజతో పాటు మరో ఇద్దరికీ స్వల్ప గాయాలయ్యాయి. వాహనం పూర్తిగా దెబ్బతిన్నా, అందరూ బతికి బయట పడటంతో ఊపిరి పీల్చుకున్నారు.

ఇదీ చదవండి:గాయపడిన న్యాయవాదికి చంద్రబాబు పరామర్శ