'ముఖ్యమంత్రి జగన్ పెద్ద సైకో: నారా లోకేశ్' వైఎస్ హయాంలో ఫ్యాక్షనిజం చూశామని... అదేవిధంగా జగన్ మోహన్ రెడ్డి ప్రభుత్వంలో సైకోయిజం చూస్తున్నామని తెదేపా జాతీయ ప్రధాన కార్యదర్శి నారా లోకేశ్ ఎద్దేవా చేశారు. గుంటూరు జిల్లా నరసారావుపేట సబ్ జైల్లో ఉన్న రామిరెడ్డిపాలెం మాజీ సర్పంచ్ కుమ్మేత కోటిరెడ్డిని లోకేశ్ పరామర్శించారు. అనంతరం మీడియాతో మాట్లాడుతూ... సన్రైజ్ ఆంధ్రప్రదేశ్ కాస్తా సూసైడ్ ఆంధ్రప్రదేశ్గా మారిపోయిందని ఆవేదన వ్యక్తం చేశారు. ప్రజాప్రతినిధులు చెప్పిన మాటలే కొంతమంది పోలీసులు వింటున్నారని... ఫలితంగా ఆ వ్యవస్థకే చెడ్డపేరు వస్తుందన్నారు. మీలాగే మేము చేస్తే... మీరు పాదయాత్ర సజావుగా చేసేవారా అని ప్రశ్నించారు.
