Nandamuri Ramakrishna : పేదల కోసం జీవితం త్యాగం చేసిన మహనీయుడు ఎన్టీఆర్ అని.. అతని తనయుడు నందమూరి రామకృష్ణ కొనియాడారు. 36 సంవత్సరాల అవినీతి కాంగ్రెస్ను ఎన్టీఆర్ రాకతో 10 కోట్ల ఉమ్మడి ఆంధ్రప్రదేశ్ ప్రజలు చరమ గీతం పాడారన్నారు. ఎన్టీఆర్ రాజకీయ వారసత్వాన్ని చంద్రబాబు పునికి పుచ్చుకున్నారని అభినందించారు.
ఎన్టీఆర్ చూపిన బాటలోనే నడుస్తూ టీడీపీని, తెలుగుజాతిని కాపాడుకుంటూ ముందుకు సాగుతున్నారని తెలిపారు. అలాంటి నాయకునికి ప్రజలు, కార్యకర్తలు వెన్నుదన్నుగా నిలవాలని సూచించారు. తెలుగుజాతిని, తెలుగుదేశం పార్టీని కాపాడుకోవాలని పిలుపునిచ్చారు. రాష్ట్ర అభివృద్ధి , తెలుగుజాతి అభివృద్ధికి బాటలు వెయ్యాలని పేర్కొన్నారు. ఎన్నికల్లో అద్భుత, అఖండ విజయాలు సాధించి ఎన్టీఆర్ ఆత్మకు శాంతి చేకూర్చాలన్నారు.