ఎన్నికల సంఘాన్ని అడ్డు పెట్టుకొని తెదేపా అభ్యర్థులపై కక్షపూరితంగా ప్రధాని మోదీ వ్యవహరిస్తున్నారని వేమూరు తెదేపా అభ్యర్థి నక్కా ఆనంద్ బాబు అన్నారు. ఎన్నికల ప్రచారంలో భాగంగా గుంటూరు జిల్లా అమృతలూరు మండలం గోవాడలో రోడ్షో చేశారు. ముఖ్యమంత్రి చంద్రబాబు అమలు చేస్తున్న సంక్షేమ పథకాలు చూసి... సైకిల్ గుర్తుకు ఓటు వేయాలని కోరారు. మద్దతుగా వేల సంఖ్యలో కార్యకర్తలు ర్యాలీగా తరలివచ్చారు. తెదేపాను రాజకీయంగా దెబ్బతీసేందుకే రాష్ట్రంలో ప్రభుత్వ అధికారుల బదీలీ జరుగుతోందని ఆనంద్బాబు విమర్శించారు. వైకాపాకు లబ్ధి చేసేందుకే ప్రధాని మోదీ కుట్రలు పన్నుతున్నారని ఆరోపించారు. ఆంధ్రప్రదేశ్ ప్రజలంతా దీనిని గమనిస్తున్నారని... ఈ ఎన్నికల్లో గట్టిగా బుద్ధి చెబుతారని అన్నారు.
'తెదేపాను రాజకీయంగా దెబ్బతీసేందుకే కేంద్రం దాడులు'