గుంటారు జిల్లా నరసరావుపేటలో ముస్లిం సంఘాల ఆధ్వర్యంలో భారీ ర్యాలీ నిర్వహించారు. కేంద్ర ప్రభుత్వం ప్రవేశపెట్టిన ఎన్ఆర్సీ, సీఏబీలను రద్దు చేయాలంటూ నినాదాలు చేశారు. దేశంలోని ప్రతి ఒక్క ముస్లిం మనోభావాలను దెబ్బతీసే విధంగా భాజపా పాల్పడిందని మండిపడ్డారు. ముస్లింలపై వ్యతిరేక చర్యలకు పాల్పడిన భాజాపాకు రాష్ట్ర ప్రభుత్వం మద్ధతు ఇవ్వడాన్ని వ్యతిరేకిస్తూ నినాదాలు చేశారు. అనంతరం నరసరావుపేట వైకాపా ఎంపీ లావు శ్రీకృష్ణదేవరాయులు క్యాంపు కార్యాలయాన్ని ముట్టడించారు. తాతముత్తాతల కాలం నుంచి భారతదేశంలో జీవిస్తున్న తమను వెళ్లగొట్టే చర్యలకు భాజపా పాల్పడుతోందని అన్నారు. అటువంటి చర్యలను కేంద్రం వెనక్కు తీసుకునేలా రాష్ట్ర ప్రభుత్వం చొరవ చూపాలని డిమాండ్ చేశారు.
నరసరావుపేటలో ముస్లిం సంఘాల భారీ ర్యాలీ