కొండవీడులో సినిమా చిత్రీకరణ... చూసేందుకు తరలివస్తున్న ప్రజలు

స్కందాగ్రజ క్రియేషన్స్ నూతన చిత్ర షూటింగ్.. గుంటూరు జిల్లా యడ్లపాడు మండలం కొండవీడులో జరుగుతోంది. తమ సినిమా చిత్రీకరణకు ఈ ప్రాంతం అనువుగా ఉంటుందని భావించి.. షూటింగ్ ప్రారంభించినట్లు దర్శకుడు తెలిపారు. చిత్రీకరణ చూసేందుకు చుట్టుపక్కల గ్రామాల ప్రజలు తరలి వస్తున్నారు.

గుంటూరు జిల్లా యడ్లపాడు మండలం కొండవీడులో సినిమా షూటింగ్​ సందడి నెలకొంది. గ్రామం సమీపంలోని గోపీనాథ స్వామి ఆలయం కత్తుల బావి వద్ద చిత్రీకరణ జరుగుతోంది. స్కందాగ్రజ క్రియేషన్స్​పతాకంపై ఈ చిత్రాన్ని నిర్మిస్తున్నారు.

కొండవీడు ప్రాంతం పర్యటకంగాను, షూటింగులకు అనువుగా ఉంటుందని చిత్ర దర్శకుడు అంచుల నాగేశ్వరరావు అభిప్రాయపడ్డారు. అందుకే తమ సినిమా షూటింగ్ ఇక్కడ ప్రారంభించినట్లు తెలిపారు. మూడు రోజులపాటు ఈ ప్రాంతంలోనే చిత్రీకరణ జరుగుతుందన్నారు. పరిసర గ్రామాల నుంచి ప్రజలు తరలివచ్చి.. షూటింగ్​ను ఆసక్తిగా తిలకిస్తున్నారు.

ఇదీ చదవండి:నాగులచవితి రోజున ఆసక్తికర ఘటన