కాకుమాను తెదేపా సమావేశంలో ఎమ్మెల్సీ డొక్కా
వైకాపా నేతలు చెప్పగానే ప్రజలపై కేసులు నమోదు చేయడం మంచి పద్ధతి కాదని... తెదేపా ఎమ్మెల్సీ డొక్కా మాణిక్య వరప్రసాద్ హెచ్చరించారు. గుంటూరు జిల్లా కాకుమానులో తెదేపా కార్యకర్తల సమావేశం జరిగింది. ఈ సమావేశంలో ఎమ్మెల్సీ డొక్కా మాణిక్యవర ప్రసాద్ పాల్గొన్నారు. ఈ సందర్భంగా ఆయన మాట్లాడారు. ఎవరైనా తప్పులు చేస్తే... చట్టపరంగా చర్యలు తీసుకోవాలన్నారు. అమాయకులపై పోలీసులు తప్పుడు కేసులు పెట్టొద్దన్నారు. ఈ విషయాలపై పోలీసులు పునరాలోచించుకోవాలని సూచించారు. పోలీసుల ద్వారా పార్టీని పెంచుకోవాలని చూడటం దారుణమని పేర్కొన్నారు.