మంగళగిరి ఎయిమ్స్​ని ఆరోగ్య శ్రీ పరిధిలోకి తీసుకొస్తాం: మంత్రి విడుదల రజిని

Health Minister Vidadala Rajini: రాష్ట్ర వైద్య శాఖ మంత్రి విడుదల రజిని సోమవారం మంగళగిరి ఎయిమ్స్ ఆసుపత్రిలో పర్యటించారు. ఎయిమ్స్​లో అందుతున్న వైద్య సేవలను ప్రజలను అడిగి తెలుసుకున్నారు. ఆత్మకూరు చెరువు నుంచి ఎయిమ్స్​కి అవసరమైన నీటిని తరలించేందుకు ప్రత్యేక పైప్ లైన్ నిర్మాణం పనులను ప్రారంభించారు.

Health Minister Vidadala Rajini: గుంటూరు జిల్లా మంగళగిరి ఎయిమ్స్ ఆసుపత్రిని త్వరలోనే ఆరోగ్య శ్రీ పరిధిలోకి తీసుకొస్తామని రాష్ట్ర వైద్య శాఖ మంత్రి విడుదల రజిని చెప్పారు. సోమవారం ఎయిమ్స్ ఆసుపత్రిలో పర్యటించిన ఆమె.. వివిధ విభాగాలను పరిశీలించారు. ఎయిమ్స్​లో అందుతున్న వైద్య సేవలు ప్రజలను అడిగి తెలుసుకున్నారు. నూతనంగా ఏర్పాటు చేసిన ఎమ్మారై, సిటీ స్కాన్, మామోగ్రఫి యంత్రాలను ఎయిమ్స్ అధికారులతో కలిసి పర్యవేక్షించారు. ఎయిమ్స్​కి కావాల్సిన మౌలిక వసతులపై అధికారులతో సమీక్షించారు.

మంగళగిరి మండలం ఆత్మకూరు చెరువు నుంచి ఎయిమ్స్​కి అవసరమైన 2లక్షల 25వేల లీటర్లు నీటిని తరలించేందుకు 7కోట్ల 40లక్షలతో ప్రత్యేక పైప్ లైన్ నిర్మాణం పనులు ఈ రోజు నుంచి ప్రారంభమయ్యాయని మంత్రి తెలిపారు. వైకాపా అధికారంలోకి వచ్చిన తర్వాత.. ఎయిమ్స్ అభివృద్ధిపై ప్రత్యేక దృష్టి సారించింది అన్నారు. దగ్గరలో ఉన్న డంపింగ్ యార్డ్ ను ఇతర ప్రాంతానికి తరలించేందుకు చర్యలు చేపడతామని మంత్రి తెలిపారు.

ఇవీ చదవండి: