ఆళ్ల రామకృష్ణారెడ్డి
గుంటూరు డీఆర్సీ సమావేశంలో ఇంఛార్జి మంత్రి, ఎమ్మెల్యేల మధ్య ఆసక్తికర సంభాషణ జరిగింది. జిల్లా పూర్వపు కలెక్టర్ కోన శశిధర్ అధికార దుర్వినియోగానికి పాల్పడ్డారని ఎమ్మెల్యే ఆళ్ళ రామకృష్ణారెడ్డి ఆరోపించారు. ఇది సమీక్షా సమావేశంలో చర్చించాల్సిన అంశం కాదని మంత్రి శ్రీరంగనాథరాజు కొట్టిపారేశారు. తెదేపాకు అనుకూలంగా వ్యవహరించిన కలెక్టర్ కోన శశిధర్కి ప్రభుత్వంలో కీలక పోస్టింగ్ ఇవ్వటం ఏంటని ఆళ్ల ప్రశ్నించారు. మంత్రి అసహనం వ్యక్తం చేస్తూ... ఆ ఉద్యోగులు మధ్యాహ్నం వరకు తెలుగుదేశానికి, తర్వాత వైకాపాకు ఓటేశారని వ్యాఖ్యానించారు. మధ్యలో జోక్యం చేసుకున్న ఎమ్మెల్యే అంబటి రాంబాబు ఈ విషయాలను చర్చిండానికి ఇది వేదిక కాదన్నారు. విషయాన్ని సీఎం దృష్టికి తీసుకెళ్లాలని సూచించారు.