చేసిన అభివృద్ధే మళ్లీ గెలిపిస్తుంది: నక్కా

గుంటూరు జిల్లా వేమూరు తెదేపా అభ్యర్థిగా మంత్రి నక్కా ఆనందబాబు నామపత్రాలు దాఖలు చేశారు. చేసిన అభివృద్ధే మళ్లీ తెదేపాను గెలిపిస్తుందన్న ఆశాభావం వ్యక్తం చేశారు.

గుంటూరు జిల్లా వేమూరు నియోజకవర్గ తెదేపా అభ్యర్థిగా మంత్రి నక్కా ఆనందబాబు నామినేషన్ దాఖలు చేశారు. 15వేల మందితో ర్యాలీగా బయలుదేరి వెళ్లి...వేమూరు తహసీల్దార్ కార్యాలయంలో నామపత్రాలు రిటర్నింగ్ అధికారికి సమర్పించారు. ఈ కార్యక్రమంలో తెనాలి శాసనసభ్యులు ఆలపాటి రాజేంద్రప్రసాద్, తెదేపా కార్యకర్తలు అధిక సంఖ్యలో పాల్గొన్నారు. తాము చేసిన అభివృద్ధి పనులే మళ్లీ గెలిపిస్తాయని మంత్రి నక్కా ఆనందబాబు అన్నారు.