కుటుంబ కలహాలతో గుంటూరు జిల్లాలోని తుళ్లూరు మండలంలో ఓ యువకుడు విద్యుత్ టవర్ ఎక్కాడు. దొండపాడుకు చెందిన గోపి అనే వ్యక్తి ఓ మహిళను ఆరు నెలల క్రితం ప్రేమించి పెళ్లిచేసుకున్నాడు.
అతడు తనను నిత్యం వేధిస్తున్నాడంటూ... 3 రోజుల క్రితం భార్య పుట్టింటికి వెళ్లింది. ఆమెను తనతో పంపించాలంటూ విద్యుత్ టవర్ ఎక్కాడు. సమాచారం అందుకున్న పోలీసులు గోపిని కిందకు దించేందుకు యత్నించారు. చివరకు అతని భార్య వచ్చి తాను కాపురానికి వస్తానని చెప్పిన మేరకు.. గోపి కిందకు దిగాడు.