గుంటూరు జిల్లా నాదెండ్ల మండలం గణపవరంలో కులాంతర ప్రేమ పెళ్లి వ్యవహారం వివాదానికి దారి తీసింది. ప్రేమ వివాహం చేసుకున్న యువకుడిపై అమ్మాయి తరపు బంధువులు దాడి చేశారు. ఈ ఘటనలో ముగ్గురికి స్వల్ప గాయాలయ్యాయి.
గణపవరం గ్రామానికి చెందిన పొలిశెట్టి రవి అనే యువకుడు.. గుంటూరుకు చెందిన మహ్మద్ షాహీనా అనే యువతి ఐదేళ్లుగా ప్రేమించుకున్నారు. ఇరువురు మేజర్లు కావటంతో వారం క్రితం పెద్దలకు తెలియకుండా వివాహం చేసుకున్నారు. ఆ తర్వాత నాదెండ్ల పోలీస్ స్టేషన్కు వెళ్ళి.. రక్షణ కల్పించాలని వేడుకున్నారు. దీంతో పోలీసులు ఇరు కుటుంబాలను పిలిచి కౌన్సిలింగ్ చేసి పంపించారు.