వలస కార్మికులపై పోలీసు 'లాఠీ' కాఠిన్యం

గుంటూరు జిల్లా తాడేపల్లి వారధి వద్ద వలస కార్మికులపై పోలీసులు లాఠీఛార్జ్ చేశారు. వలస కార్మికులు ఉండేందుకు వసతి ఏర్పాటు చేసినా, వారంతా స్వస్థలాలకు బయలుదేరటంపై పోలీసులు కోపోద్రిక్తులయ్యారు.

విజయవాడ క్లబ్​లో వసతి కల్పించినప్పటికీ వలస కార్మికులు స్వస్థలాలకు వెళ్లిపోతుండటంతో పోలీసులు కన్నెర్ర జేశారు. విజయవాడ నుంచి గుంటూరు జిల్లా తాడేపల్లికి చేరుకున్న వలస కార్మికులపై లాఠీఛార్జ్ చేశారు.

ప్రభుత్వ ప్రధాన కార్యదర్శి నీలం సాహ్ని ఆదేశాల మేరకు వలస కూలీలను విజయవాడ క్లబ్​కు తరలించారు. అయితే, వారికి అల్పాహారం అందజేసే క్రమంలో కూలీలంతా స్వస్థలాలకు వెళ్లేందుకు సైకిళ్లపై బయలుదేరారు. అక్కడ నుంచి గుంటూరు జిల్లా తాడేపల్లి వారధి వద్దకు చేరుకున్న వారిని పోలీసులు అడ్డగించి లాఠీలతో విచక్షణారహితంగా కొట్టటంతో భయంతో పరుగులు తీశారు.

ఇదీ చదవండి:వలస కూలీల తరలింపునకు ప్రత్యేక రైలు