వివాహిత అనుమానాస్పద మృతి.. భర్తపైనే అనుమానం

గుంటూరు జిల్లా నరసరావుపేటలో వివాహిత అనుమానాస్పదస్థితిలో మృతి చెందింది. భర్తే హత్య చేసి ఉంటాడని పోలీసులు ప్రాథమికంగా అనుమానిస్తున్నారు.

గుంటూరు జిల్లా నరసరావుపేట పట్టణంలోని సాయినగర్​లో కోటంసెట్టి ఇందిర(32) అనే వివాహిత అనుమానాస్పద స్థితిలో మృతి చెందింది. మృతురాలి ఇంటి నుంచి దుర్వాసన వస్తుండటంతో అనుమానించిన స్థానికులు పోలీసులకు సమాచారమిచ్చారు. ఘటనాస్థలానికి చేరుకున్న పోలీసులు... భర్త ఆంజనేయులే హత్య చేసి ఉంటాడని ప్రాథమికంగా అనుమానిస్తున్నారు. అయితే హత్యకు గల కారణాలు తెలియరాలేదు. ప్రస్తుతం మృతురాలి భర్త పరారీలో ఉన్నట్లు సమాచారం.