జయభేరికి రూ.1.44 కోట్ల జరిమానా

భూమార్పిడి చేయకుండా.. బహుళ అంతస్తుల భవనం నిర్మించినందుకు.. జయభేరీ నిర్మాణ సంస్థకు రెవెన్యూ శాఖ భారీ జరిమానా విధించింది. ఈ మెుత్తాన్ని చలానా రూపంలో చెల్లించినట్లు తహసీల్దార్ తెలిపారు.

గుంటూరు జిల్లా తాడేపల్లి మండలం కొలనుకొండ వద్ద మాజీ ఎంపీ, సినీ నటుడు మురళీమోహన్​కు చెందిన జయభేరి నిర్మాణ సంస్థ నుంచి రూ. 1.44 కోట్ల జరిమానాను వసూలు చేసినట్లు తహసీల్దార్ శ్రీనివాసులు రెడ్డి తెలిపారు. జాతీయ రహదారి పక్కనున్న 7.5 ఎకరాల్లో 2016 సంవత్సరంలో ఆ నిర్మాణ సంస్థ భూమార్పిడి చేయకుండానే బహుళ అంతస్తుల భవనం నిర్మించిందన్నారు. ఈ కారణంగా 18న జరిమానా విధించగా, ఆ సంస్థ చలానా రూపంలో ప్రభుత్వానికి చెల్లించినట్లు తహసీల్దారు వివరించారు.

ఇదీ చదవండి:'సంగం డెయిరీ యాజమాన్య హక్కుల బదలాయింపు కుట్రపూరితం'