'నాలుగు స్తంభాలకంటే పెద్దది.. పౌర వ్యవస్థ'

తాడేపల్లి ప్రెస్ క్లబ్​ను స్పీకర్ తమ్మినేని సీతారాం ప్రారంభించారు. ఈ సందర్భంగా విశ్వసనీయత కాపాడుకున్నపుడే పత్రికలు రాణిస్తాయన్నారు.

సభాపతి ప్రధానోపాధ్యాయుడు లాంటి వాడని... పాఠశాలలో విద్యార్థులు అల్లరి చేసినప్పుడు బెత్తానికి పని చెపుతాడని....నేను అదే పని చేశానని స్పీకర్ తమ్మినేని సీతారాం చెప్పారు. గుంటూరు జిల్లా తాడేపల్లి ప్రెస్ క్లబ్​ను స్పీకర్ ప్రారంభించారు. ప్రస్తుతం ఉన్న నాలుగు స్తంభాలకంటే పెద్దదైంది పౌర వ్యవస్థ అని చెప్పారు. ప్రజాప్రతినిధులకు సంబంధించిన అంశాలను ప్రజలు నిత్యం గమనిస్తున్నారని...వారికి సమయం వచ్చినప్పుడు గట్టిగా సమాధానం చెబుతున్నారని ఇటీవల జరిగిన ఎన్నికల్లో ఈ విషయం స్పష్టమైందని తెలిపారు. విశ్వసనీయత కాపాడుకున్నపుడే పత్రికలు రాణిస్తాయన్నారు. ముఖ్యమంత్రి జగన్ ఈ ప్రాంతంలోనే ఉన్నారని...పార్టీ కార్యాలయం ఈ మండలంలోనే ఉందని భవిష్యత్ లో తాడేపల్లి మహా నగరంగా మారబోతోందని చెప్పారు.

ఇదీచూడండి.రేపు దిల్లీకి ముఖ్యమంత్రి జగన్