కన్నతల్లిని కడతేర్చిన తనయుడు.. ఎందుకంటే..

మద్యం తాగడానికి డబ్బులివ్వలేదని తల్లి తలపై బండతో బాది చంపాడో కసాయి కొడుకు. దారుణమైన ఈ ఘటన గుంటూరు జిల్లా దావులూరు గ్రామంలో జరిగింది.

గుంటూరు జిల్లాలో దారుణం జరిగింది. మద్యం మత్తులో పచ్చడిబండతో తల బద్దలు కొట్టి తల్లిని చంపాడో కసాయి కొడుకు.

దావులూరు గ్రామానికి చెందిన కొరగంటి శ్యాంసుందర్ అనే వ్యక్తి కొన్ని ఏళ్లుగా భార్యతో విడిపోయి తల్లితోనే నివాసముంటున్నాడు. ఈ క్రమంలో అతను తాగుడుకు బానిసైయ్యాడు.

మద్యం తాగడానికి డబ్బులు ఇవ్వలేదని తల్లితో వివాదం పెట్టుకున్నాడు. ఆ వివాదం కాస్త కొట్లాటకు తావు తీసింది. తాగిన మైకంలో తల్లి రాజ్యం (60) తలపై పచ్చడిబండతో బలంగా కొట్టాడు. దాంతో తల పగిలి తీవ్ర రక్తస్రావమైన ఆమె అక్కడికక్కడే మృతి చెందింది. ఈ ఘటనపై ఎస్ఐ బలరాం కేసు నమోదు చేసి దర్యాప్తు చేస్తున్నారు.

ఇదీ చదవండి:ప్రేమ వేధింపులు: ఆత్మహత్యకు యత్నించిన బాలిక మృతి